No xe più le bestie de una volta n.2
![](http://www.tuttotrieste.net/new/wp-content/uploads/2022/05/047_esopo.jpg)
In tuna foresta un simioto el stà sentado su un ramo de un albero a fumarse un canon.
A un certo punto riva una sariandola, la vedi el simiodo sul ramo e la ghe fa:
“Ciau simioto, coss’te fa de bel?’
El simioto ghe rispondi: “Me fumo un canon, dai rampighite su e vien farme compagnia.”
La sariandola se rampigha su l’albero, la va vizin el simioto e la scominzia tirar con lui.
Dopo un poco la sariandola se senti la boca seca: “Ciò che sede che go, vado farme una bevuda in tel fiume, ti spetime qua, no scampar via e sopratuto no fumarte tuta la cana!”
“Va tranquila” ghe rispondi el simioto “chi te vol che se movi de qua…!”
Co la riva su la riva (che bel zogo de parole!!!) del fiume, la sariandola xe talmente fata che la sbrissa in acqua e quasi che la se nega se in suo socorso no fussi rivà un cocodril che’l la gaveva vista sbrissar. El cocodril el vedi che la sariandola xe malamente e el ghe domanda:
“Coss’te ga che te son cussì incanfarada?”
La sariandola ghe conta che la se gaveva fumà un canon su un albero con un simioto e che la iera vignuda a bever acqua de tanta sede che ghe iera vignuda.
El cocodril se rabia e l’insisti per saver dove xe stò disgrazià de simioto che fuma canoni “Speta che lo beco e el vederà che ghe fazo passar mi la voia de fumar!”
El riva cussì soto l’albero e el vedi stò simioto beato e tranquilo che fuma.
“Ciò cocolo!” ghe ziga el cocodril.
El simioto, sempre più incanfarà, lo varda e co’l lo vedi el salta su de boto, el sgrana i oci e el ghe fa: “Ciò ma quanta acqua te ga bevù???”
Vedi anche:
No xe più le bestie de una volta (n.1)
El can, la pantera, el simioto