Chi se ricorda del vecio

PONTE DE CATTINARA?

• 

Quel che se vedi in primo pian xe, anzi iera, el vecio ponte de Cattinara, ossia quel ponte che passava sora la Camionale (Statale 202) per la strada che da Cattinara porta verso Basovizza de una parte e Mocò de quel’altra. De drio se vedi el novo ponte, quel de ogi, più moderno e in linea con la struttura dela vizina autostrada, che el xe andà a sostituir quel vecio.

• 

• 

in tuta sta zona iera un gran remitur de lavori per la costruzion de quel toco de autostrada che mancava per far tuto un de l’autostrada che finiva a Padriciano con quela che finiva soto l’ospedal de Cattinara. El vecio ponte che xe stà butà zò, intrigava con el novo progeto perché el vigniva a trovarse giusto davanti l’ingresso de le galerie e cussì dopo tanti ani el xe stà tirà zò. Eco qua soto come se presentava la zona subito dopo la demolzion:

• 

• 

Con l’ultimazion de sto toco de autostrada xe stada completada dopo ani anorum la cosidetta Grande Viabilità Triestina che dal Lisert passando per l’altipiano carsico la riva a San Dorligo dove la se dividi per portarte fin al Molo VII e le rive triestine de una parte e fin Rabuiese de quel’altra dove, dopo gaver passà la galleria de Montedoro, la se taca con l’autostrada slovena.

Massimo per TuttoTrieste.net