I alieni bevandele

Un camionista el sta viagiando bel e tranquilo col suo camion quando el vedi de parte de la strada un picio ometo verde con una strica bianca che el pianzi disperado.

El camionista el se ferma e el ghe domanda cossa che nassi.

L’ometo ghe rispondi: “son picio e verde, son rivà qua del pianeta Venere, son de l’altra sponda e go tanta sede!”
“Ben” ghe rispondi el camionista “te posso dar una bireta ma xe tuto quel che posso far per ti, no domandarme altro!”

Cussì i se bevi insieme una bela bireta fresca.

El camionista riparti ma gnanche do chilometri più avanti el vedi un picio ometo rosso con una strica zala che el pianzi disperado anche lu come quel prima.

El camionista el se ferma e el ghe domanda anche a lui cossa che nassi.

L’ometo ghe rispondi: “son picio e rosso, son rivà qua del pianeta Marte, son gay e go tanta tanta sede!”
“Ben” ghe rispondi el camionista “te posso dar una bireta ma xe tuto quel che posso far per ti, no domandarme altro!”

Cussì i se bevi insieme una bela bireta fresca.

Denovo el camionista riparti per el suo viagio ma dopo gnanche tre chilometri eco che el vedi de parte de la strada un picio ometo viola con una strica nera che el pianzi disperado.

“Cossa nassi?” ghe domanda el camionista za un poco carigo.

L’ometo ghe rispondi: “son picio e viola, son rivà qua del pianeta Plutone, son omosessuale e go tanta ma proprio tanta sede!”
“Eh bon ah!” ghe rispondi el camionista “se te vol te posso ofrir una bireta ma xe tuto quel che posso far per ti, no sta domandarme gnente altro!”

Cussì i se bevi insieme una bela bireta fresca.

El camionista denovo se rimeti in viagio, fazendo no poca fadiga a montar in cabina e, pien come un ovo, el guida cantando canzoni triestine quando dopo pochi chilometri el vedi un picio ometo blu con una strica rossa.

“Ciau picola culata spaziale, te vol una bira anche ti?”

Ma l’ometo: “Patente e libretto per cortesia!”