Dar del LEI o dar del TI

a volte pol far la diferenza

Un diretor de una banca iera sai preocupado per un suo giovane colaborator che, dopo un periodo de lavor insieme che no’l se gaveva mai fermado gnanche per la pausa pranzo, el comincia a un certo punto a ‘ndar via tuti i giorni a mezogiorno.

El diretor assumi quindi un detective privato e el ghe disi de andarghe drio al mulo per una setimana e controlar cossa che el fa, perchè el ga come el sospeto che el combini qualcossa de strano.

El detective fa el suo lavor per tuta la setimana, el torna del diretor e el ghe riporta: “Alora Sior diretor, el mulo el va fora de l’uficio ogni giorno puntuale a mezogiorno, el ciol la sua machina, el va a pranzo de sua moglie, el fa l’amor con sua moglie, el se fuma un dei sui sigari cubani e el torna sul lavor.”

“Ah, bon, meno mal!” ghe rispondi el diretor “gnente de grave insoma, no xe gnente de losco che iero sai preocupado!”

A sto punto alora el detective ghe domanda: “La me perdoni, posso darghe del TI, Sior diretor?”.

Sorpreso el diretor ghe rispondi: “Orca, si, va ben, la fazi pur!”

E el detective taca: “Alora te ripeto: el mulo el va fora de l’uficio ogni giorno puntuale e mezogiorno, el ciol la tua machina, el va a pranzo a casa tua, el fa l’amor con tua moglie, el se fuma un dei tui sigari cubani e el torna sul lavor!”

OCIO: ogni riferimento a diretori de banca, colaboratori de diretori de banca, detective ingagiadi de diretori de banca e mogli de diretori de banca, xe puramente casuale.