I argomenti più frequenti

in tei forum de auti

I forum xe spesso un punto de incontro per un mucio de persone che se scambia opinioni, che buta idee, che domanda consigli. La voia de comunicar sentai drio el schermo del compjuter xe talmente forte che i forum se ga diviso per categorie, per argomenti, per robe de ciacolar insoma, nonostante la grossa concorrenza dei social.

Eco un esempio dei argomenti più frequenti in quei forum specifici per marche de auti:

Forum Lamborghini: sora i 350 el rumor de l’aria xe insoportabile, no so più cossa far, qualched’un sa iutarme?

Forum Ferrari: sora i 16000 giri le vibrazioni dentro l’abitacolo xe veramente preocupanti!

Forum Audi A8: dove posso far riparar el mio Rolex?

Forum MX-5: una guardia forestal me ga passà sora l’auto co’l suo Defender!

Forum Land Rover Defender: una MX-5 me xe restada incastrada soto el telaio. Come fazo a cavarla?

Forum Dacia: uffa, ma anche a voi i ve domanda se gavè la Mer Dacia o la Spu Dacia?

Forum Zastava: vendo tessera rete coriere mensile – l’oficina me ga tornà indrio l’auto prima del previsto!

Forum Bentley: ogi go doprado el portaciche. Come fazo a farlo sostituir?

Forum Rolls Royce: ogi go doprado el portaciche. Desso devo cambiar l’auto!

Forum Porsche Cayenne: la me consuma meno de 40 litri ogni zento chilometri: xe normale?

Forum Smart: sostituido el motor con quel del taia-erba: finalmente un poca de potenza!

Forum VW Bora: No posso piú! Tuti me ciol pe’l cul come se gavessi una Golf co’l zaino!

Forum Viper: go una Smart in tel filtro de l’aria! Come se fa a cavarla via?

Forum Seat Marbella: ogi ghe la go fata starghe drio a un camion!

Forum Hummer: ogi go macà el paraurti: 24 feridi, 10 morti. Devo proprio comprar per forza la vernise nera da ritoco del concessionario? El xe a ventizinque chilometri de qua, saria 35 euro de nafta.

Forum Yugo 45: quando xe che ga funzionà per l’ultima volta la vostra?

Forum Porsche: go una goma sbusada: posso darla dentro o me convien rivender la machina diretamente?

Forum BMW 7: Aiuto, go sbalià qualcossa in tela programazion: come se fa a serar el portaciche? Ufa, desso me se ga verto el baul!