Un incontro fortuito

Un omo e una baba i fa una s’cioca con l’auto, le machine xe praticamente distrute ma per fortuna nissun dei due no i se ga fato niente.

I riva vignir fora de le machine e la baba ghe fa al mato:

– “Ailo! No posso creder! Te son un omo! E mi una baba! E i nostri auti xe completamente distruti ma per fortuna noi stemo ben. Questo xe un segno del destin che ga voludo che se incontrassimo e che diventassimo amici e magari che vivessimo insieme e in pase per el resto de la nostra vita”

E el mato:
– “Son dacordo: devi proprio esser un segno del ciel!”

La baba va avanti:
– “E varda ‘sto altro miracolo: la mia machina xe completamente distruta ma la botilia de trapa che gavevo dentro no la se ga roto. De sicuro el destin voleva che noi brindassimo per celebrar el nostro incontro fortunado”
La baba ghe passa la botilia, lui la ciol, la verzi, el se sluca praticamente metà e dopo el ghe la passa a ela… ma ela la la sera senza darghe gnanche un picio sluk.

Cussì el mato ghe domanda:
– “Ti no te bevi?”

E ela ghe rispondi:
– “No, mi speto che rivi i tubi”