La traversa de nona

la più grande invenzion de la stoira

El scopo principale che gaveva la traversa de nona iera quel de coverzer i vestiti de soto pervia de no i sporcarli ma in verità la traversa de nona serviva anche:

• come guanto per ciapar la farsora de boio;
• per sugarghe le lagrime dei fioi e ale volte per netar i musi sporchi;
• per portar patate, pomi, peri, susini, amoli, fighi ma anche legni pe’l fogo, ovi e qualche volta anche pulisini;
• per far sconder le teste dei fioi timidi;
• per far aria sul fogo del fogoler;
• per dar una passada svelta ala polvere e ale fregole co capitava ospiti a sorpresa;
• per cior e per pozar in tola la torta, la pinza o el kuguluf.

Insoma una soraveste cussì semplice xe in verità una dele più grandi invenzioni dela storia che nissun stilista de moda riverà mai far uguale!!!