I insegnamenti de la mama

tuto quel che gavemo imparà de mama

Eco tute le robe che gavemo imparà de mama:

Mia mama me ga imparà (“insegnà” no esisti in triestin ndr) a gaver rispeto per el lavor dei altri:
“SE TI E TU FRADEL VOLE’ MAZARVE DE LIGNADE, ANDE’ FORA PERCHE’ GO PENA FINIDO DE NETAR CASA!”

Mia mama me ga imparado a gaver fede:
“COMINCIA A PREGAR CHE ‘STE MACE VEGNI VIA DE ‘STA MAIETA”

Mia mama me ga imparà la logica e la gerarchia:
“IN ‘STA CASA COMANDO MI, PUNTO E BASTA!”

Mia mama me ga imparado la matematica:
“SE NO TE LA FINISSI TE DAGO TANTE CHE LA META’ TE BASTA!”

Mia mama me ga imparado le priorità:
“METI VIA QUELA ROBA PRIMA CHE TE LA DAGO PER LA TESTA!”

Mia mama me ga fato capir el valor de la compagnia:
“SE NO LA FINI’ TI E I TUI AMICI VE FAZO CORER FIN CHE RUSSE’ LA LINGUA PERTERA”

Mia mama me ga imparado el galateo in tavola:
“NO BEVER TUTA QUEL’ACQUA CHE NO TE VEGNI LE RANE IN PANZA!”

Mia mama me ga imparà le regole base de la pulizia:
“SE TE ME CAMINI IN CASA CON QUELE SCARPE SPORCHE DE FANGO, TE FAZO NETAR EL PAVIMENTO CON LA LINGUA”

Mia mama me ga imparado la democrazia:
“FA QUEL CHE TE VOL, MA SE NO TE LA FINISSI SUBITO TE VEDERA’ COSS’CHE TE NASSI!”

Mia mama me ga inculcado i valori de l’eleganza:
“MAGNA STA FETINA E METI SU QUALCHE CHILO CHE TE ME PAR UNA SCOVA VESTIDA”

Mia mama me ga imparado l’importanza de una bona salute:
“ARA CHE SE TE CIAPI RAFREDOR PERCHE’ NO TE SE GA VOLUDO METER LA BARETA, TE LASSO CHE TE SE SMOCOLI FIN AI CALCAGNI!”

Mia mama me ga imparà cossa che xe la “motivazion”:
“PIANZI, PIANZI ANCORA, CHE TE FARO’ MI PIANZER PER UN VALIDO MOTIVO!”

Mia mama me ga imparà cossa che xe la “contradizion”
“SERA QUELA BOCA E MAGNA!”

Mia mama me ga fato capir come funziona la “forza de gravità”:
“SE NO TE LA FINISSI DE FAR STALA, TE FAZO SVOLAR FORA DE LA FINESTRA!”

Mia mama me ga imparà a far ginastica:
“STA’ ZITO CHE NO TE DAGO UN PAPIN CHE TE GIRO LA TESTA”

Mia mama me ga fato capir cossa che xe la “forza de volontà”:
“NO STA’ MOVERTE DE QUELA CAREGA FIN CHE NO TE GA FINIDO DE MAGNAR TUTO”

Mia mama me ga imparado la beleza del sorriso:
“SE TE ME RISPONDI ANCORA UN VOLTA IN STA’ MANIERA TE FAZO SALTAR TUTI I DENTI”

Ma sopratutto mia mama me ga imparà a esser una brava persona:
“SE NO TE SE COMPORTI BEN, TE IMPARERO’ MI L’EDUCAZION A FORZA DE PIADE IN TEL CUL!”