Soldi sarà che noi no saremo

eco quel che pol nasser a esser tropo strenti

Un mato che gaveva lavorà tuta la vita, el gaveva risparmiado tuti i sui soldi e quando se tratava de spenderli el iera sermpre una vera TIRACA.
Poco prima de morir el ghe disi a su molie: “Co sarò morto voio che te ciapi tuti i miei soldi e te me li meti in cassa, voio portarmeli via, me li voio portar tuti con mi nell’aldilà”

E cussì el se ga fato prometer de la molie che, co’l fussi morto ela ghe gavessi messo tuti i sui soldi in tela cassa.

Un giorno per sto mato xe rivada la sua ora!

Al funeral el iera bel vestì distirado in cassa con la vedova in luto vizin de lui, tuta vestida de nero con la sua migliore amica vizin de ela che ghe dava conforto.

Co i stava per serar la cassa, la vedova ferma i bechini. “Spetè un momento” la ghe disi, la ciol una picia scatoleta de fero e la la meti dentro la cassa del defunto.

I sera la cassa e i lo porta a sepelir. Intanto l’amica ghe disi a la vedova: “Savevo mi che no te ieri cussì mona de meterghe in cassa tuti i sui soldi, in quela scatoleta no podeva star tuti!”

La vedova ghe rispondi: “Amica mia, mi son una dona sincera, fedele e devota, se go fato una promessa la mantegno e no me rimagno la parola, se ghe go promesso che ghe metevo in cassa con lui tuti i sui soldi, mi ghe li go messi tuti dentro!”

“Te vol farme creder che in quela scatoleta te ghe ga fracado tuti i sui soldi, la dentro con lui???”

“Sicuro che si!” ghe rispondi la vedova “Go ciolto tuti i soldi, li go messi sul mio conto in banca e ghe go fato un assegno, se el riva incassarlo che el se li tegni tuti!”