Vignindo zo per via Chiadino
Capita qualche volta de dover far passegiate improvisade e scoprir cussì scorci novi de la zità. Case, palazzi, giardini, fontane e ringhiere che par un scenario novo, un qualcossa che xe sempre stado la ma che no te se ga mai acorto quanto fussi bel. Xe cussì che un giro vignondo zo per via Chiadino da San Luigi me son un poco vardà in torno a rimirar el logo e go scoperto quanto bela xe anche in ‘sto cantòn la nostra zità.
Una curiosità xe el nome de sta via che sembra derivi dal latin catinus che sta indicar la conca formada dal torrente Rozzol. Altro nome interessante xe proprio Rozzol che poi no xe solo del torrente ma de tuto un rion. Anche qua le origini del nome no xe ciare, par infatti che possi derivar da rivus o rivicellus ma anche da una storpiatura de Riuzzolo ossia l’antico nome de origine ladina del torrente.
