ANDANDO SU PER VIA FONDA

Trieste xe piena de salite e de discese e quasi sempre queste strade ofri scorci meravigliosi, palazzi antichi e curiosità. Ecco via Fonda, una via dedicada a Enrico Fonda pitor de origini fiumane, che de via Costalunga se rampiga su fin rivar quasi soto el campo de balòn de Campanelle. Più che palazzi qua xe zona de case e casette con giardini più o meno grandi o piazzete de cemento.

Da la strada principale, qua e la, parti qualche stradina, qualche viottolo, o qualche strada de campagna che te porta in abitazioni più in dentro, sconte de le altre case o de la vegetazion, o a le campagnete sul dorso de la colina che in fondo ospita el corso del rio Corgnoleto.

Ma quel che xe curioso de sta strada te lo pol contar chi xe la che ghe abita de tanti anni. Infatti se pol scoprir che lungo la via una volta iera un apalto, una merceria, una cartoleria, una lateria, fin rivar in zima, dove la via cambia nome in via Cesare dell’Acqua, dove xe nato un dei primi supermercati de la zità: Zazzeron. Ma fato ancora più curioso xe che una de quele casette che adesso se missia con le altre e con l’ambiente quasi rurale circostante, se trovava la famosa tratoria de Pina dei Porchi: tanti pensava che fussi solo una legenda e inveze esisteva veramente!

• 

• 

• 

• 

• 

• 

• 

• 

Ecco la vista che se pol goder in zima de via Fonda

• 

•