I CANI XE COME I PARONI

Un ingegner, un contabile, un chimico, un informatico e un dipendente statale i se incontra e ognidun de lori se vanta de gaver un can strepitoso.

Per dimostrarlo, l’ingegner ciama la sua cagneta: “Radicequadrata, fane veder de cossa che te son capace!” La cagnolina trotterella verso la lavagna e la disegna un quadrato, un cercio e un triangolo.

El contabile ghe disi al suo can: “Attivopassivo, mostrine le tue competenze!”. El cane va in cusina, el torna indrio con dodise biscoti e el li ordina in tre pile uguali, de quatro biscoti.

El chimico disi: “Fialetta, fane veder el tuo numero!”. El can verzi el frigo, el ciol un litro de late, un bicer de 10 cl e el svoda esattamente 8 cl de late senza far cascar gnanche una ioza.

L’informatico xe ormai sicuro de vinzerli tuti col suo can: “Discofisso, impressionili!”. El can se senta davanti al compjuter, el lo avvia, el fa partire un antivirus, el spedissi una e-mail e l’installa un zogo novo.

A sto punto i quatro varda verso el statale e i ghe domanda: “E el tuo can cossa sa far?”. El statale, con un soriseto ghe disi: “Pausacaffè, fane veder i tui talenti!”. El can se alza, el magna i biscoti, el bevi el late, el scancela tuti i files del compjuter, el se gua la cagneta dell’ingegner e el giura che durante l’atto el se ga fato mal la schena, el compila el formulario de incidente sul lavoro e el se ciol un congedo de sei mesi per malatia.

Come che se disi… i cani xe come i paroni!