CHE SCURO CHE XE QUA!

Una baba spesso la fa vignir l’amante in casa quando che suo marì xe sul lavor ma no la se ga mai acorto che el fio de 9 ani el se scondi in armeron.

Un giorno però el marì torna a casa prima del solito e la baba scondi l’amante in tel amradio. Cussì a un certo punto el picio el fa:
– Che scuro che xe qua dentro!
El mato ciapà a la sprovista quasi che el tira un urlo ma el se calma e el fa finta de niente.
Cussì el picio ghe fa:
– Sa che go un bel balòn de calcio?
E el mato:
– Ma va? Orca che bel ara!
E el picio:
– Te vol comprarlo?
Ma l’omo:
– No no, grazie!
El picio:
– Ara che la fora xe mio papà
El mato:
– Bon va ben, go capì, quanto te vol?
El muleto:
– Pensavo un zinquezento Euro!

Fato l’afar!

Dopo qualche giorno stessa scena, riva el marì, el mato se scondi in tel armeron e tut’in t’un el senti una voseta:
– Che scuro che xe qua dentro!
El mato gira i oci in alto:
– Ecolo qua de novo, cossa te ga de bel ogi?
– Go un bel per de guanti de portier! – Ghe rispondi el picio.
El mato:
– Eh bon ah, a quanto te li vendi?
– Zinquezento Euro – ghe disi el picio.

A la domenica el pare ghe fa al fio:
– Cianeto, ciol i guanti e el balòn che andemo a far do tiri in campeto!
– Eh no papà – ghe rispondi el pico – No li go più, li go vendui”
– Come te li ga vendui? E a quanto?
– Mille Euro go ciapà – ghe rispondi el pcio
– Mille Euro? Ma no dai, no se fa ste robe! Come se fa a venderghe a un amico per tuti sti soldi? Xe tanti de più de quel che li go pagadi mi! Eh bon ah, adesso andemo in cesa e te va subito confessarte!

I va in cesa e el pare compagna el picio in confessional, el lo fa andar dentro e el sera la portela e la tendina.
– Che scuro che fa qua!
Disi subito el picio.
E el prete:
– Oooo no stemo cominciar, eh!