EL BANCOMAT

testo mandà de Erica, triestina in California

Ve segnalemo l’instalazion dei novi bancomat detti “Drive thru” che i permetterà de cior bori senza smontar zò de l’auto.

Per farla fazile i ga messo due procedure separade, una per i omini e una per le done, legele ben e fe riferimento a quela che fa al vostro caso.

---

PROCEDURA PEI MAS’CI:
1 ‘Ndè con l’auto al bancomat
2 Tirè zò el finestrin
3 Fichè la carta e digitè el PIN
4 Digitè l’importo che volè tirar fora
5 Ciolè de novo la carta, i bori e la ricevuta
6 Serè el finestrin
7 Ripartì

PROCEDURA PER LE SIGNORE:
1 ‘Ndè con l’auto al bancomat
2 Fè retromarcia fin che el finestrin xe in linea col bancomat
3 Impizè denovo el motor che nel fratempo el se ga studà
4 Tirè zò el finestrin
5 Zerchè la borseta e svodè tuto quel che xe dentro sul sedil del passeger per trovar la carta
6 Zerchè la “trousse” e deghe una controladina al truco sul specieto retrovisor
7 Provè a meter dentro la carta in tel bancomat
8 Verzè la portiera de l’auto cussì xe più facile meter dentro la carta visto che l’auto xe ‘sai lontan del bancomat
9 Metè dentro la carta
10 Metè denovo dentro la carta ma stavolta dela parte giusta
11 Risvodè denovo la borseta per zercar l’agenda con el PIN scrito sul de drio de la pagina de la copertina
12 Digitè el PIN
13 Struchè el botòn “Cancella” e ridigitè el PIN stavolta giusto
14 Digitè l’importo che volè cior fora
15 Deghe de novo una controlada al trucco in tel specieto retrovisor
16 Ciolè i bori e la ricevuta
17 Risvodè de novo la borseta per trovar el taquin e meteghe dentro i bori
18 Metè la ricevuta ìn tel libreto dei assegni
19 Deghe ancora una volta una controlada al truco che mal no fa
20 Ripartì e fazè dò metri
21 Fazè subito retromarcia fin de novo al bancomat
22 Ciolè el bancomat
23 Risvodè la borsetta, zerchè el taquin e metè la carta al suo posto
24 Deghe un altra controlada al truco
25 Impizè el motor che nel mentre el se ga studà denovo
26 Guidè per 5 o 6 chilometri
27 Tirè zo el fren a man.