L’ultimo desiderio del cau-boi

un omo che zerca de parlar col suo caval!

El capo indian ghe disi al CAU-BOI:
– “Te sta per morir! Ma un cicinin ne dispiasi per ti, cussì te volemo dar la possibilità de far un desiderio al giorno per tre giorni. Al tramonto del terzo giorno, te copemo! Qual xe el tuo primo desiderio?”

El cau-boi ghe rispondi:
“Voio veder el mio caval.”

I indiani ghe porta el caval. El cau-boi ghe ciapa l’orecio e el ghe frizi qualcossa, po’ el ghe da una paca pe’l daur.

El caval parti de balìn. Do ore più tardi, el torna con un babon biondo, tuto nudo. La baba smonta zo del caval e la va in tela tenda del cau-boi.

I indiani i se varda fra de lori e i comenta:
“Tipico comportamento dei visi palidi, i riva sempre a pensar solo che a una roba!”

El secondo giorno, el capo indian ghe domanda denovo:
“Qual xe el tuo desiderio de ogi?”

El cau-boi ghe disi:
“Voio denovo veder el mio caval.”

I indiani ghe lo porta e el cau-boi de novo ghe disi qualcossa pian in orecio e co’l ga finì el ghe mola una paca. El caval fila via e dopo do ore el torna indrio con una baba rossa, nuda, che la smonta zo e la va in tela tenda del cau-boi.

Te pol capir i indiani, i scassa la testa e i disi:
“Tipico de l’omo bianco, stò fenomeno doman ga de crepar e lui el pensa solo che a una roba!”

Riva l’ultimo giorno e el capo ghe domanda:
“Stò qua xe el tuo ultimo desiderio, omo bianco, pensighe ben e dime coss’che te vol”

El cau-boi ghe rispondi:
“Voio denovo veder el mio caval.”

Denovo i indiani ghe porta al mato el suo caval.

El cau-boi lo ciapa per le orece, el ghe le storzi e el ghe ziga forte:
“Legime i labri! FUGA, vacas’cenzaboia! F-U-G-A!… con la U!!!!”

In tela foto quq de sora, el cau-boi Lorenzo
e al suo prode destriero Oregon