No ga prezzo

la frase giusta dita al momento giusto!

Una matina qualsiasi, ale 9 de matina:

Un tizio verzi i oci con tanta fadiga e el vedi una scatola de aspirine e el bicer de acqua vizin del leto. El se meti in sentòn e el se varda torno. Sula carega xe i sui vestiti ben piegai e el vedi che tuto intorno la camera xe in ordine e bela neta.

El se inacorzi del gran mal de testa che’l ga cussì el se ciol l’aspirina e quela volta el vedi un bilietin.

El legi: “tesoro, la colazion xe zà pronta in tola, mi son ‘ndada far la spesa. Te amo!”

A sto punto el va in cusina e per bon xe tuto pronto in tola, anche el giornal. El vedi el fio za intento a magnar e el ghe domanda: “picio, cossa xe nato stanote?”

El fio ghe rispondi: “Beh, t’son tornà ale 3 de note carigo come una simia, duro come un comato, pien come un’otre, insoma te parevi quasi mezo morto. Te se ga ribaltà sui mobili in andito, te ga garbà in saloto e te se ga quasi cavà un ocio co te ga sbatù sul spigolo del muro.”

A stò punto el mato capissi ancora meno, cussì el ghe domanda: “ma alora perchè qua xe tuto cussì bel neto e in ordine, ghe xe adiritura la colazion e el giornal in tola?”

“Ah gnente”, ghe rispondi el fio, “mama te ga strassinado in camera e la te ga butà in tel leto ma co la ga zercà de cavarte le braghe ti te ghe ga zigado; “tien zo le zate, vaca, mi son felicemente sposado!”

Mal de testa per notolada: 100 Iuri
Mobili rovinadi: 500 Iuri
Colazion: 10 Iuri
La frase giusta dita al momento giusto: NON GA PREZO!!!