A ognid’un la sua

Un tizio el stà guidando la machina quando a un zerto momento el se rendi conto de gaverse perso e de no gaver drio ne el telefono ne el navigator.

El vedi un mato che passa per de là, el se meti pian pian vizin al marciapie e el ghe domanda:
“La me scusi, la poderia iutarme? Ghe go promesso a un mio amico de vederse ale zinque ma me son perso, no go proprio idea de ‘ndove che son e son za tardi de una bona meza ora!”

“Volentieri!” ghe rispondi el mato “Lei la xe in t’una machina fra 40 e 45 gradi latitudine Nord e tra 10 e 15 gradi longitudine Est, xe le zinque e trentazinque minuti e 27 secondi e ogi xe venerdì e gavemo 14,5 gradi centigradi”

“Lei sicuro la xe un impiegato” ghe disi quel dentro l’auto.

“Sicuro! Come la ga fato a capir?”

“Perchè tuto quel che la me ga dito xe ‘tecnicamente’ perfeto ma in ‘pratica’ xe assolutamente inutile. Difati no so proprio cossa farme de le informazioni che la me ga pena da e mi son ancora qua per strada senza saver gnanca ‘ndove che son!”

“Lei alora la devi esser senz’altro un dirigente, xe vero?” ghe rispondi fastidioso l’impiegato.

“Difati xe cussì, ma come la ga fato a capir?”

“Bastanza semplice: lei no la sa nè ‘ndove che la xe, nè come che la ghe xe rivado e no la sa gnanche ‘ndove che la ga de ‘ndar, la ghe ga fato una promessa a una persona e no la ga la minima idea de come mantignirla e desso la spera che un altro la cavi de le spuze; de fato lei la xe esatamente in tela stessa situazion che la iera prima che la me domandassi qualcossa a mi ma adesso, per qualche strano motivo, vien fora che xe colpa mia?”