Le 10 parole

più doprade de le done

Bene, niente, ok

e tute le più inquietanti e

misteriose parole feminili

Qua poderè trovar un pratico elenco de le dieci parole più doprade de le babe. Xe dieci vocaboli che poderia sembrar semplici e dal significato ciaro e limpido ma che in verità le scondi un fraco de conseguenze se diti de una dona. Comincemo:

1) BENE: questa xe la parola che dopra le babe per finir una discussion quando le ga ragion e ti te devi star zito!

2) 5 MINUTI: se la baba se sta vestindo significa mezza ora. Come 5 minuti val solo nel caso che ti te sta vardando la partida o te se stà zogando sul compjuter prima de prepararte per andar fora con ela. E comunque se la baba te ga dito zinque minuti, no servi che te ghe fazi premura ogni meza ora!

3) NIENTE: questa xe la calma prima de la tempesta! Vol dir inveze qualcossa e te dovessi star ‘sai atento. Le discussioni che comincia con “NIENTE” de solito finissi con “BENE” (vedi punto 1).

4) FA PUR: xe una sfida, no un permesso! Ti no far niente!

5) SOSPIRO: no xe proprio una parola ma xe come se fussi, xe un termine non verbale che de solito vien frainteso de l’omo. Un sospiro vol dir che ela la pensa che te son un tululù e la se domanda perchè che la sta perdendo el suo tempo con ti a discuter de “NIENTE” (vedi punto 3).

6) OK: questa xe una de le parole più pericolose che una baba possi dirghe a un omo. Significa che la ga bisogno de pensar bastanza prima de decider in che maniera fartela pagar.

7) GRAZIE: se una baba te ringrazia no far domande e no svenir, la vol solo semplicemente ringraziarte. Diverso xe se la disi “grazie mille” che el più de le volte xe puro sarcasmo e no la te sta veramente ringraziando.

8) COME CHE TE VOL: xe la maniera che le babe dopra per dirte “va remengo!”

9) NO STA PREOCUPARTE, FAZO MI: questa xe un’altra frase pericolosa. Significa che una baba ga domandà a un omo de far qualcossa tante volte e in tante maniere ma adesso la se ga messo a farla ela da sola. Questo porterà l’omo a domandarghe: “Cossa xe che no va?” (Per la risposta de la baba far riferimento al punto 3).

10) CHI XE?: questa par solo una semplice domanda, ma ricordite che ogni volta che una baba te domanda “chi xe?” in realtà la volessi domandarte “chi xe quel budelon e cossa la vol de ti?” quindi ocio a come che te ghe rispondi!

UN BASETO

A TUTE LE DONETE!!!