El test de la suocera

con tanto de machina in regalo

Una suocera decidi de meter a la prova i zeneri: tre fie quindi tre zeneri.

Cussì una sera la organiza una zena con un dei tre zeneri, i va in t’un ristorante su le rive, i magna, i ciacola, fin che a un certo punto la baba fa finta de sentirse mal e la se lassa cascar in mar fazendo finta de negarse. El zenero prontamente se buta in acqua e el salva la vecia, cussì co’l torna a casa el trova fora del porton una belissima e fiammante BMW con un bilieto soto el tergicristal. El lo ciol e el legi: “Tante grazie per gaverme salvà la vita! Tua suocera.”

Dopo un per de giorni la vecia organiza una zena co’l secondo zenero e dopo gaver magnà e le solite cicole e ciacole, la se lassa cascar in acqua simulando un malor. El zenereo svelto svelto se buta in mar e la salva cussì co’l torna a casa anche lui el trova una belissima e fiammante BMW nova de steca. El vedi un bilietin soto el tergicristal, el lo ciol e el legi: “Tante grazie per gaverme salvà la vita! Tua suocera”

Passa un altro per de giorni e la vecia organiza la zena co’l terzo zenero, sempre in t’un ristorante su le rive e sempre la solita scena de ela che fa finta de andar insieme cascando in mar. Sto zenero però varda la scena senza scomporse più che tanto e la vecia, che comunque no saveva nudar, la mori negada. Co’l torna a casa eco che el trova una Maserati nova e fiammante fora del porton. El vedi un bilietin sul vetro davanti, el lo ciol e el legi: “Grazie de tuto! Tuo suocero.”