Ocasionissima: favolosa barca in perfete condizioni, tenuda in seco tuto l'inverno e ripiturada prima de ributarla in mar. Fati tuti i interventi de manutenzion ordinaria da l'antivegetativo a la vernize autolivelante per fondai. Dotazioni de bordo: ecoscandaglio, bussola eletronica, navigator satelitare e cocal antifurto. Motor fuoribordo potente revisionado, scafo sicuro, veloce e stabile. Disponibile un set de lampadine, zime (corde e cordele), un secio sbusà ma col manigo intiero, telo estate/inverno, interni rivestidi in mogano.

www.tuttotrieste.net/mercadindio Telefonar a Ucio Sardon

Pilotina a vela monoalbero tipo passera lussignana, bastanza vecia e sgangherada, vele sbusade e induride dal mar salado. Dotada de ampio pozeto, camera con leto matrimobiale con materassi sfondadi, picolo saloto con divaneti e canapè in pele de gato e suste saltade fora, camera per i ospiti, condoto chimico, docia con tendalin e cusinin con fogoler funzionante. Disponibile posto barca a fianco de la Stazion Maritima. Solo per apasionadi de vela, astenerse dipendenti del Fisco.

Stupendo gomon con motor de zento cavai, potente sul mar lisso e una manera in mezo a le onde. Scafo in vetroresina, gavon de prua, panca, toreta, volante e busi per le gambe. vero afar completo de tute le dotazioni de bordo entro 12 miglia, oltre rangeve.

Telefonar a Toio Nagana