Vendo rioda de bici con cadena, causa furto de tuto el resto dela bici!

Vasto assortimento de bici, montanbaik, de passegio, de strada, de corsa, de sburtar, vendo anche singolarmene causa necessità de spazio.

Se perncè de ciorve una bici per le scampagnate de primavera e le gite estive, eco l'ocasion che fa per voi: bici usade ma come nove, praticamente intatte, cambio scimano, sellini in pelle umana, fusti in titanio.

Tute a prezi interessanti.

In questi tempi che no se fa altro che parlar de ecologia, de risparmio energetico de crisi del petrolio, eco sul MercaDindio un veicolo per combater la crisi mondiale. No consuma praticamente gnente, ga bisogno de pochissima manutenzion, basta un poco de smir su la cadena e ognitanto cambiar i zocheti dei preni. Comodo per 'ndar al bagno ma anche per apuntamenti importanti.

Favolosa montanbaik, telaio in titanio, riode de goma, cerci de fero e ragi in aluminio, selin ergonomico ideale per salto in corsa (a la bersaliera), cadena pena pastrociada de smir, freni a siola o a preghiera. Ideale per far i buloti davanti le mule primo perché xe una bici de figoni e secondo perché xe pratica per far tuta la riva in impenada stando in pie e magari senza man sul manubrio. Questa bici ga partecipado nel 2002 a la Mocò-Coloncovez classificandose terza e nel 2005 al tour de le osmize oragnizado dala C.A.C.A. Club Anonima Ciclisti Alcolisti. Son disposto a farvela provar se veramente interessadi. A chi la compra ghe regalo la cadena per ligarla.

www.tuttotrieste.net/mercadindio Telefonar a Marco El Pirata

"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin per TuttoTrieste.net

Tutti i diritti riservati - All rights reserved