Riva el caldo e xe l'ora de cominciar a pensar a le vacanze. In esclusiva per el MercaDindio un bellissimo camper Vosvaghen stile "Figli-Dei-Fiori" ani sessanta. Belissimo come novo e dotado de tuti i confort per una splendida estate al mar. Gnente paura se farà sai caldo: la particolare conformazion dei finestrini ve consentirà el massimo de l'areazion sopratuto in viagio. I interni xe comodi e spaziosi, con leti a do piaze con materassi a suste e in latice. Unica mancaza: no'l xe predisposto co'l condoto, quindi ve tocherà andar fora per far i bisogni a meno che no considerè tuto el prodoto un vero e proprio condoto!

Un afaron de no perder per un'estate che sicuramente farè fadiga a dimenticarve.

Per info contatar la Vaffa'n'camping Srl

Vendo favoloso autocaravan Vosvaghen per le vostre ferie indimenticabili. Completamente rivestido de matoni, teto in vetroresina con mansarda, abaini e gorna per la piova. Cinque posti comodi, cusineta con bombola, iazera, fogoler e condoto chimico. Giardin de erbaspagna coi setenani e Biancaneve per farve sentir nela vostra caseta de favola anche co se in giro pe’l mondo. Fondo revisionado, gome nove, motor in tiro, el tuto a un prezo de brivido, solo 275.000,00 Iuri per una caseta su riode de sogno.

Ciamar Dario Vikingo deto anche Mago G.

Vendo Pulmin bianco, novo de paca (go apena fini el rodagio de 200.000 km), "cul" optional.
Xe un dispiazer enorme separarme de lu, ma no ga viz tinirlo sempre in Box.

Acessori instaladi:

- Aria condizionada (più de cussì se svola via)
- "Air Bed" (se te sbagli a sentarte te se trovi distirà per tera)
- Ampio portapachi sul teto (utile per portar le suocere)
- Riode de scorta (no so più dove meterle e le go anche in gabina)
- Bolin verde antinquinamento
- Hostes de bordo (quela col velo)
- Comodi divaneti (vara do che xe senta el picio)

Prezzo : Diese miliardi de "piastre" egiziane (tratabili però).