Grupeto de amici, tuti bei giovini, palestrai, seri, e amanti del magnar ben, zerca compagni per bevude in osmiza, cantade in alegria, gite in jugo, clanfe ai Topolini, impenade col motorin. I aspiranti novi compagni devi esser tuti ganzi, nagane, bobe e dele vere e proprie tare come che semo noi e preferibilmente automuniti perché noi essendo grandi bevandele gavemo bisogno del cucer. Astenerse se primi dei sudeti requisiti.

Telefonar ore serali Ciano Feraza

Vecia imbriaghèla col panzòn, spelado e tracagnoto, zerca compagna possibilmente zota, coi cavei ingropai, naso de aqula, denti storti, viso rugoso, possibilmente munida de scova, per andar insieme ala festa de Alouin sul Molo Balota. Astenerse se prive dei requisiti indicai. Pino Panza

Causa scarse disponibilità finanziarie, produtor cinematografico zerca un omo sai ma sai bruto per ruolo de mostro in film horor che vignerà girado in zona Cavana de note.

Scambio bale rotte con sacchi de pazienza. Eventuale conguaglio con taza anime

Regalo suocera seminova, completa, pluriaccessoriada con set de valige. Disponibilità anche per eventuale consegna a domicilio. URGENTE!

www.tuttotrieste.net/mercadindio

Servolana regala feriera completa de altoforno, cokeria e centrale de cogenerazion a chi se la vien a cior.

Zerco in regalo vileta a due piani possibilmente con piscina e box auto o scambio con baraca in lamiera con caponera in legno.

www.tuttotrieste.net/mercadindio

Giovane moglie zerca Beretta calibro 9 per redimer picio problema familiare.

Sub scambia muta poco usada con altra mula.

Zerco set bombole ossiacetileniche per prossima apertura istituto di credito. Telefonare ore d'aria Tony Lado.

Zerco urgentemente un motivo per viver o eventualmente loculo panoramico zona S.Anna. Domenica Moro

Zerco longhi. Mike Tyson

Go perso la facia. Lauta ricompensa al gentile rinvenitore. Michael Jackson

www.tuttotrieste.net/mercadindio

Zerco gente per fondar una compagnia de pomigadori. Astenersi perditempo.

Giovani canibali maori zerca amici in carne per ofrir gita in Nuova Zelanda.

Scambio banconote in Euro de tuti i tai con banconote del Monopoli.