| Le poesie di Pino Peschechera |
|
L'ASILO INFANTILE
Andavo in asilo caminando su per la riva de Rena, (che no la xe piu`), e in zima dela riva, sul canton de via Donota e via del Crocifisso, iera un Cristo vecio e scuro dentro una vetrineta incastrada nel muro. E de la,come ogni matina, su per Chiauchiara verso via Capitolina.
Noi muleti co rivavimo vizin la Tor Cucherna ierimo batui de una paura eterna. Perché i diseva che ogni note (ma iera una fiaba) se vedeva, a mezanote, girar per la Tor Cucherna el fantasma de una baba con in man una lanterna. Noi corevimo svelti sfregandose pei muri e co rivavimo in asilo se sentivimo sicuri.
Iera bel la in asilo: I ne dava de magnar, cantavimo canzonete zogavimo, e ogni tanto per dispeto pizigavimo el cul dele mulete. Quel che no me piaseva la iera che i ne fazeva bever, ogni matina, un cuciar de oio de bacalą. La maestra ne diseva: "Vi farą appetito bambini, su Sforzatevi,ingoiatelo con un un pezzetto di pane!" Povera, no la saveva che ierimo tuti za batui de fame.
Sento tanta nostalgia per la Trieste che no xe pił, per la Trieste mia, per la mia persa gioventł. Me vedo ancora la nella mia Trieste vecia che zogo coi muleti in Zitavecia.
Pino Peschechera Melbourne (Australia) luglio 1998
|