I COCAI

Che bei usei che xe i cocai!

te li vedi per tuto,

de sera o de matina

in porto novo

o zò in marina.

I svola zigando come tante galine

co le fa l'ovo.

I svola sul mar

sempre in zerca

de magnar,

e, sfrutando la bavisela,

i guarda zò sull'acqua

tegnindo de ocio

qualche sardela.

i me fazeva compassion

e pensavo:

dove i va a dormir de note?

ghe toca forsi star fora

col fredo,

d'inverno,

co sufia la bora?

ma per un muleto come mi

iera domande

tropo grande

e me stufavo de pensar,

pò i muli me ciamava

e tornavimo a zogar.

Pino Peschechera

Melbourne (Australia) 1997