LA STORIA DE UN CUOR

Co te nassi, de muleto,

te comincia subito

a bater el cuor

nel peto.

te zerchi el tuo late,

te se meti a ciuciar

e dopo qualche meseto,

te cominci a ciacolar

.. mama.. .. papà...

el cuor te bati in peto:

el fa

tiche tac..tiche tà...

pò, più grandeto,

te toca andar a scola;

che emozion el primo giorno!

mi me ricordo:

gavevo el cuor in gola.

te diventi giovinoto,

te cominci andar fora;

la prima cica, el primo goto,

te fa le ore picole

anche se sufia la bora.

te cominci andar a balar,

te bali el tango,

the bali anca el begin

con una bela mula

strenta sai vizin,

e pò ,balando la "lambada",

la te guarda

con do oci de sepa,

come inamorada. ti te la guardi,

te resti la impalà,

te son inamorà!!!

xe el tuo primo amor!

te sponzi forte el peto,

te bati forte el cuor

no te son più "muleto".

pò te rivi ala mia età:

un povero veceto,

te bati forte el cuor,

te sponzi forte el peto

ma stavolta no xe amor:

te fa l'apuntamento

e te cori del dotor.

Pino Peschechera

Melbourne (Australia) luglio 2000