L'EMIGRANTE

Chi mai gavessi dito

che co zogavo

a nascondiglio,

de muleto coi fioi

o guardia e ladri

o tormentando

dei poveri mandrioi,

oppur quando

tegnindose per man

giravimo cantando:

"...giro giro tondo

casca el mondo

casca la tera

tuti zo col cul per tera..".

Chi mai gavessi dito

che de grande,

sbatù de qua e de la

in giro pel mondo,

saria diventà

un emigrante.

E chi gavessi dito

che dopo tanti anni,

ormai vecio incocalì,

lontan dalla mia patria,

batudo de malanni,

fis'ciaria ancora

con tanta nostalgia:

...'co son lontan de ti

Trieste mia'...

Pino Peschechera

Melbourne (Australia) 1997