LA MIA TRIESTE

(1996 dopo 41 anni di assenza)

Ecco, son rivà,

la xe ancora qua!

te son bela Trieste!

Sero i oci, xe un sogno o xe realta!?

No, son proprio qua.

Quanti ani xe passai?

Tanti.Una vita.

Tanta nostalgia!

Un cancro

che cressi col tempo.

La guardo de lontan,

la xe la che la me speta.

El mar, el faro, San Giusto, Sacheta.

La mia Trieste.

Giro, camino, guardo,

no xe più ela,

tuto xe cambià

però la xe sempre bela

Zerco de veder

coi oci de una volta

i loghi, le case,

le vie, la gente....

No xe più lori!

Zerco de riviver

i atimi più felici.

Iera qua che una sera...

col scuro...?

Si, proprio qua,

Me ricordo...una sera...

che bel che iera!

Chi iera?

Come la se ciamava?

El nome no, no me sovien.

Ma me ricordo

che se volevimo tanto ben.

El nome? No me ricordo più.

Forsi......

Gioventù!!

Pino Peschechera

Melbourne (Australia) 1996