EL LEON DE ZITAVECIA

tra piazeta rosario, Rena e Crosada

in quei ani de fioi ghe ne iera tanti

e tanti, iera fioi de emigranti

iera un che pareva un scugnizo

picio, tracagnoto

col naso schizo

per ciorlo pel cul i lo ciamava "talian"

ma presto i se gaveva acorto

che el saveva menar le man

cressendo ano per ano

no'l xe più un muleto

el iera pien de amici

e i ghe portava rispeto

i lo ciamava:

"el leon de zitavecia"

a diciassete ani el trova la morosa

la iera de Piran, una bela mula

lu el ghe vol ben, ela ghe vol ben

nassi un patatrac:

el se la sposa

dopo tre ani el parti militar

el diventa bersaglier

xe bruti ani de guera soto la gaveta,

a casa xe la moglie

e un fio che lo speta

soto le armi el diventa

quasi una legenda:

i lo ciama

"el sergente de fero"

sto leon de zitavecia

el se ciamava Piero.

Iera mio papà!!

Pino Peschechera

Melbourne (Australia) 2000