I MANDRIOI

co iero picio

e stavo in Crosada

noi muleti giogavimo

sempre in strada

e in primavera noi fioi

se divertivimo

tormentando

i poveri mandrioi.

siora Uccia, in latteria

vendeva quei normali a diese schei

quei giganti

che no iera tanti

a vinti schei

la baba li tegniva in vasi de vetro

tuti ingrumai

povereti, quei de soto

iera tuti sofigai

per farli svolar

ghe ligavimo ale gambete

un metro de fil e un "spetime un poco"

ste povere bestiuzze,

de vita le gaveva sai poco,

le tirava fora le alete

e le zercava de scampar

ma po`stanche morte

le cascava partera:

no le rivava pi? svolar.

Pino Peschechera

Melbourne (Australia) 1999