NADAL IN AUSTRALIA

Xe rivà anche Nadal!

tuti lo spetemo

che quasi stemo mal.

po co'l riva

xe un caldo de mati,

el sol spaca le piere,

xe pien de mosche

e de mussati.

qua no xe San Nicolò

o la Befana come de noi

co se ghe fa i regali

ai fioi,

qua per Nadal vien Santa Claus,

tuti se fa regali, te digo mi:

xe tuto un "sbrodaus".

a sti fioi cos'te ghe da?

no i vol più pupete de do lire

o soldatini de piombo coi canoni

no! ogi xe computers,

zoghi eletronici

che costa milioni.

co mi iero muleto,

no iera sta abondanza;

mia mama me basava,

la me diseva bon nadal

e la me dava, forsi,

una naranza.

sto ano alla mia mula

la go guardada nei oci,

con amor,

ghe go dito: Merry Christmas!

e ghe go dado un fior.

Pino Peschechera

Natale 2000 a Melbourne (Australia)