TRIESTE DE NOTE

Mikeze e Iakeze lontan

bati le ore

pian, pian.

Sentà sul mureto

su a Opicina,

malinconico,mi speto

la matina.

guardo sta mia cità che dormi.

che bela che te son!

Trieste.

La cita` xe tuta illuminada

me par de veder

la mia contrada

vecia

la zò

in Zitavecia.

vedo Piaza Grande, el Molo Pescheria,

el Molo Audace

ah! Trieste mia.

Vedo el porto, la sacheta

le barche che pesca,

xe lampare sul mar

impizade

che par tante lucciole

incantade.

te me fa inamorar,

Trieste!

La luna se specia nel mar

vivo de colori noturni,

che cambia ogni momento:

el me par blu

e a momenti, argento.

ah Trieste!

sero i oci e pian pian

me meto a fis'ciar:

"...xe el quadro

più magnifico

che mai se pol sognar"

Pino Peschechera

Melbourne (Australia) 1996