I VICOLI DE ZITAVECIA

Vicoli streti e scuri

pieni de umidità,

xe mufa sui muri,

scovaze qua e la.

un portòn de legno vecio

tuto sgangherà

sbusà dai tarli,

pien de scrite e sgrafi

par quasi che el te parli,

finestre che par oci

spalancai sula miseria,

sul davanzal

un piter con do gerani

piantai in un bucal

e spuza de pedoci

de zimisi

e odor de altra roba:

ma forsi xe una baba

che cusina la boba

Pino Peschechera

Melbourne (Australia) 1997