I AMICI DEL LOGION

Che piovi, sufi bora o fazi iazo,

andar al Verdi me ga sempre piasso.

De Opere e Concerti go sempre vù passion,

e gusto sai la musica sentida dal logion.

A volte go provà 'ndar in platea e in galeria,

no me son trovà ben, e son vignudo via.

La zo xe babe in longo e omini col fioco,

no i scolta 'sai la musica e le babe parla tropo.

Forse me sbaglierò, ma xe la mia opinion,

gente più preparada frequenta sto logion.

Se vedi mularia che segui co'l spartito,

apena xe un che ciacola el vien fato star zito.

A volte se ga visto qualche contestazion,

ai Artisti impreparadi con poca profession.

In mezo xe anca quei che fa i macachi,

una sera a un Diretor i ghe ga tirado cachi !

Ma quando i senti Artisti preparai,

quei del logion i ghe bati le man sai.

Femo la fila sentadi sul scalin,

se parla del programa con quel che xe vizin.

I parla de chiusura, de ristruturazion,

de trasportar al Rossetti la stagion.

Ma ormai in sto logion gavemo el cuor,

moveve far i lavori, per favor.

Se conossemo tuti e semo sai afiatai,

speremo de no esser mai sfratai

TULLIO PICCINI   

Trieste