PRESEPIO

Noi ierimo sai poveri, miseria iera sai, 

ma per Nadal el Presepio no ga mancado mai!

El iera tanto misero e anca picinin,

ma co'i me lo fazeva ghe stavo sai vizin.

La stala iera fata coi stechi del boscheto,

el bue senza un'orecia, scorzà iera el musseto!

Fra tute le statuete Gesù iera el più bel,

e dopo la Madona, cuciada, col mantel.

Un giorno che zogavo Giusepe go tocà:

e l xe cascà per tera, el me xe ga spacà.

"Sta calmo, no frignar, che lo ripareremo:

col gesso e fil de fero adesso lo zontemo."

Da quando S.Giuseppe de man me xe cascà,

savessi quanti ani che'l ga durà imbiecà!

Do pecore, un specio per lagheto, i Magi e un pastorel

e carta blù sul fondo pareva fossi el ciel.

Sai ani xe passadi, miseria no xe più,

però nel mio Presepio go sempre quel Gesù ! 

TULLIO PICCINI   

Trieste