|
RICORDI
DE STRADA 1942
Tremendo, sbarufante, zigalon, mai fermo
mia mama me diseva: te son come un vermo !
Andavimo discalzi, i pič batui de rafa,
de sera per lavarne i ne meteva in scafa.
Gavevimo in scarsela la fionda sempre pronta,
anca in borsa de scola mi la tignivo sconta.
Ferai e qualche lastra gavemo noi spacā,
ma ierimo sai svelti, no 'i ne ga mai ciapā!
Andavimo in giardin i mandrioi a becar,
ligai per la zatina li fazevimo svolar.
Mia mama iera vedova, la doveva lavorar:
fregar portoni e scale per darne de magnar.
E mi chi me tigniva ? Podevo bagolar,
noi muli a sete ani se andava zā lontan:
a Barcola far bagno, impicadi drio el tram.
Un giorno che volevo in cine mi filar,
senza guardar in strada me meto a traversar:
el tram me piomba dosso, ma el mato fraca el fren
me ga smacado via, la me xe andada ben:
un colpo su le coste, un comio magagnā,
ma i mandrioi in pugno no go miga molā!
Insieme a una tranviera a casa compagnado,
mia mama co me ga visto, la xe gā inombrado:
- Sicuro qualche dano el me gā combinado ! -
La siora ghe ga dito che son stā fortunā,
alora co le lagrime ela me ga basā.
Ghe xe vignų presente un mio amico sfortunā,
che soto el tram a Barcola la vita el ga lassā!
TULLIO
PICCINI
Trieste
|
