SAN VALENTIN

Per mi una volta gnanca no l'esisteva
opur la gente no lo conosseva.

Perché el devi esser festegiado al 14 febbraio?
me scuso, ma no me par un Santo tanto sgaio!

La mularia, no xe in amor sto mese come i gati,
pei giovani xe tuto l'anno festa de l'inamorati!

Oggi a San Valentin coremo dei fiorai:
rose, ciocolatini, regali sai pagai!!

Inveze tempi indrio se' ndava de scondon,
in qualche giardineto, o drio un vecio porton.

A mi stà moda, de farse sti regali strapagai
la xe pei ricchi, no pei muli inamorai!

Per tanti botegheri, xe un Santo tropo bel,
perché coi nostri soldi i parti a le Saichelles!

Cussì sto Santo giovine che me par nato ieri,
femolo protetor de tuti i botegheri!

Scolteme muli, andè in un prà,
zerchè una viola picinina
sto fior e un baso basterà
a far contenta la vostra Valentina.

TULLIO PICCINI   

Trieste