SARDONI IN SINDACATO

Go visto do vecete de bonora

guardar le casse de sardoni: bei, freschi, duri

che pareva i se movessi ancora.

Lore le ciacolava de magnar,

no le se imaginava el tribolar

che ga i sardoni per poder campar:

scampar dai predatori che xe in mar,

andar in ciapo per scansar i rei,

le sacaleve e anca i saltarei,

e po, dificile lotar col pescador,

che ga instalado el radar sul vapor!

Un giorno che sufiava el vento sul valon

i ga ciapado questa decision:

formar el sindacato del sardon!

I ga deciso che i vol viver e no sparir:

le redi, i detersivi fa morir!

Voi omini golosi ne vole magnar?

E noi nassemo in tanti

per restar in sto mar!

TULLIO PICCINI   

Trieste